နောက်ဖော်ကြည့် - အပြည့်၊ ရှေ့မျှော်ကြည့်- အမိ

         

ယာယီစံကျောင်းဖြင့် သီတင်းသုံးနေသော ဆရာတော်ဘုရားကြီး

ဆရာတော်ဘုရားကြီး ရသေ့ဘ၀

ဘုရားရှင်သည်သစ္စာလေးပါး အမှန်တရား အလိုလိုအားဖြင့်ပွင့်ထွန်းရာကာလသည် သက္ကရာဇ်(၁၀၃)ခု၊ ၀ိမှာနဥတု၊ ကဆုန်လပြည့် ဗုဒ္ဓဟူးနေ့အလွန်ပင်ဖြစ်ပါချေ၏။

          ထိုတွင် ယင်းသက္ကရာဇ်ရှိ(၁၀၀)သည် ဘုရားပွင့်ထွန်းရာ၏ သက်တမ်းကာလကို ညွှန်းနေ သယောင်ရှိ၏။ ယင်းသက္ကရာဇ်ရှိ (၃)ဂဏန်းသည်ကား အနိစ္စစသော သဘာဝလက္ခဏာစု သုံးခုကို လည်းကောင်း၊ ထိုသဘာဝသုံးပါးကို ခြေရာခံလိုက်ရာမှ ထွက်ပြူလာမည့် ၀ိဇ္ဇာသုံးပါးကို လည်းကောင်း၊ ထိုဝိဇ္ဇာသုံးပါး၏ သတ္တိကြောင့် ပျက်ပြယ်သွားစေမည့် အပါယ ဒုက္ခ၊ ကာမဒုက္ခ၊ ဘ၀ဒုက္ခ သုံးမျိုးကိုလည်းကောင်းညွှန်းဆိုနေသယောင်ရှိ၏။

          ၀ိမှာနဥတုသည်မိုး၊ ဆောင်းတို့ကဲ့သို့ စိုစွတ်သောကာလမျိုးမဟုတ်။ ယင်းစိုစွတ်မှုကို ခံယူရလေမှ ပွင့်ထွန်းရသော လူလုပ်သီးစုံ၊ ပွင့်စုံမျိုးတို့ သီးပွင့်ရာ ကာလမျိုးလည်းမဟုတ်။

          စင်စစ် ထိုအစိုဓာတ်ကို ခြောက်သွေ့စေ၍ မိုးမကူ လူမနှော သူ့သဘော သူ့သဘာဝ မြေပေါက်ပင်တို့ ပွင့်ထွန်းရာကာလပင်ဖြစ်ပါချေ၏။

          ထိုဂိမှာနသည် အလောင်းတော်၏ ကိလေသာအစေးဓာတ်၊ အစိုဓာတ်များကို ခြောက်သွေ့ စေသည့် အာတာပီဝီရိယ၏ စွမ်းအား လုံ့လတော် ကို ဖော်ကျူးနေသယောင်ရှိ၏။

          ၄င်းနွေဥတုနှင့်အတူ ပွင့်လာကြသော သဘာဝအပင်တို့၏ အပွင့်များသည်ကား သူ့သဘာဝ အတိုင်းသာရှိကြလေသော သစ္စာတရားများကို လည်းကောင်း၊ မဂ်ဖိုလ်-သတ္တိများကို လည်းကောင်း၊ နိဗ္ဗာန်၏ အအေးဓာတ်-အငြိမ်းဓာတ်အားကို လည်းကောင်း ၄င်းတို့ကို ထိုးထွင်းသိလိုလတ်သော် သည်လို ပူပြင်းသောရာသီမှာမှ သည်လို အမွှေးအပျံ့ သန့်စင်များ ပွင့်သလို ပြင်းစွာသော ၀ီရိယစွမ်း ပကားရှင်များချည်းသာခံစားထိုက်ရာ တရာများဟှူု လမ်းညွှန်ပေးနေသယောင်ရှိ၏။

          ကဆုန်လသည် ဘေးပတ်ရေတို့၏ အပံ့အပိုးမရှိ။ ပကတိတည်ရှိနေသော၊ ရေဓာတ်၏ သူ့တည်နေဟန်အတိုင်းသာ ရပ်တည်နေသော ကာလဖြစ်ချေ၏။

          ထိုကာလသည် ရေငတ်သူတို့ ရေဖော်တွင်းတူးရာကာလ။ အစာလိုသူတို့ ၀မ်းစာစိုက်ပျိုးရန် ကန်ဆည်ရန်ကာလလည်း ဖြစ်ချေ၏။

            သို့ကြောင့် ထိုလသည် လည်းကောင်း၊ ထိုလ၏ လပြည့်သည်လည်ကောင်း သစ္စာတို့၏ ပကတိတည်ရှိနေသော အတိုင်းကို ပါရမီတော်လက်နက်ဖြင့် ထူးဆွဖော်ထုတ်ခြင်း၊ ဖော်ထုတ်သည့် အတိုင်းလျှင် ပြည့်ဝစွ ပွင့်ထွန်းဖြစ်ပေါ်လာခြင်းများကို သက်သေပြသယောင်ရှိ၏။

          တစ်ဖန်လည်း ထိုကဆုန်လသည် ၀ိသာခါနက္ခတ်ခေါ် ကိတ်ဂြိုလ်(န၀င်းဂြိုလ်)၏ စန်းယှဉ်ရာ လမြတ်ဖြစ်သဖြင့် ကျန်တနင်္ဂနွေစသော ဂြိုလ်ရှစ်လုံးတို့ပါ သိမ်းကြုံးပြီးဖြစ်နေချေရကား ထိုဂြိုလ်တို့နှင့် မလွတ်ကင်းသော ထိုဂြိုလ်သက်တို့၏ သတ္တိစွမ်းပကားအတိုင်း သက်ဝင်လှုပ်ရှားနေရ သော လူသားအားလုံး၏ ကံချင်းဆုံရာ ကာလလည်း ဖြစ်ချေ၏။

          သို့ကြောင့် ထိုလသည် လည်းကောင်း၊ ထိုလပြည့်သည်လည်းကောင်း ကျွတ်ထိုက်ရှိအားလုံး တို့၏ အားထားမှီခိုနိုင်ခြင်း။ မှီခိုသလောက် ပြည့်မြောက်အောင်မြင်ခြင်းတို့ကိုလည်း ညွှန်းဆိုနေသ ယောင်ရှိ၏။

          ဘုရားရှင်ကိုယ်တော်တိုင်လည်း-

-      ဒီပင်္ကာရာရှေ့ သုမေဓာရသေ့ဘ၀ဖြင့် ဆုပန်ဆင်ခဲ့ရာသည် ဤနေ့၊ ဤ ကဆုန်လပင်တည်း။

-      ယခုဘ၀ မိခင်၏ ၀မ်းကြာတိုက်မှ အကျွတ်အလွတ် ထွက်ခဲ့ရာသည် ဤနေ့ဤလ ကဆုန် လပင်တည်း။

-      ယခု ပုထုဇဉ်အမိုက်ဆင့်မှ ပွင့်ထွက်ရာသည်လည်း ဤနေ့၊ ဤလ ကဆုန်လပင်တည်း။

-      လာမည့် ဘ၀ဒုက္ခ ခန္ဓာ့ဝဋ်မှ အလွတ်အကျွတ် ထွက်ရမည်မှာလည်း ဤနေ့ ဤလ ကဆုန်လပင်တည်း။

`ဤသို့ကံလေးပါးတို့ ဆုံပြည့်ရာကိုလည်း ဖော်ကျူးနေသယောင်ရှိ၏။ ပါရမီဓာတ်၏ လည်ပတ်မှုသည် တမင်ပြုလုပ်ရသောဓာတ်၊ အတုခိုးရသောဓာတ်မျိုးကဲ့သို့ ဖောက်ပြန်ခြင်း၊ အစိုးမရခြင်းမျိုး မဟုတ်။

          ထိုဘုရားရှင်၏ ပွင့်တော်မူရာ ဥတု-မာသတို့ကို လေ့လာသုံးသပ်သော် အလောင်းတော်နတ်သား (သေတကေတုနတ်သား) ဘ၀မှ လူ့ပြည် ဘူ့ဘ၀သို့ ဆင်းသက်စံမြန်းပါရန် နတ်-ဗြဟ္မာတို့ ၀ိုင်းတောင်းပန်စဉ် ကြည့်ခြင်းကြီးငါးမျိုး-

-      ကာလ- ဘုရားပွင့်ရာ တစ်သိန်းတမ်းမှာတစ်ရာတမ်းအကြား ဟုတ်-မဟုတ်ကြည့်ရှုခြင်း

-      ဒေသ- ဘုရားပွင့်ရာ မဇ္ဈိမဒေသ မည်သည့်နေရာမှာ တည်လေသနည်း ရှုကြည့်ခြင်း။

-      မာတု-ဘုရားမယ်တော်ဖြစ်သင့်လေသူ ရှိ-မရှိ ရှုကြည့်ခြင်း။

-      အာယုပရိစ္ဆေဒ- ထိုမိခင် သေမည့်အသက်ကား အဘယ်နေ့နည်းရှုကြည့်ခြင်း

-      ကုလ- ထိုမိခင်ကား အဘယ်မျိုးရိုးဇာတိ ဖြစ်ချေသနည်း ရှုကြည့်ခြင်း

ထိုရှုကြည့်ခြင်းငါးမျိုးတို့၌ ထိုဥတု ထိုမာသ မပါဝင်လေ။

သို့တစေလည်း အလောင်းတော်၏ ပါရမီတော် အရှိန်အဟုန်အားနှင့် မယ်တော်၏ ကုန်ဆုံးရမည့်အသက်ပိုင်းခြားအားတို့လာရောက်ကံချင်းဆုံကြလျက်က ဤသို့ ဘုရားရှင်၌ ကံတော်လေးပါး ဆုံဆည်းရခြင်းကာ တမင်မလုပ်ရသော ပါရမီလုပ်အားပင် မဟုတ်လော။

          ထိုသို့ မဂ်လေးဆင့်၊ ဖိုလ်လေးဆင့်တို့ဖြင့် အပါယဒုက္ခ၊ ကာမဒုက္ခ၊ ဘ၀ဒုက္ခ သုံးဆင့်တို့ အပေါ် လွှမ်းမိုးအောင် နိုင်တော်မူပြီးသည်နှင့် တစ်ပြိုင်နက်-

က။ လေးအသင်္ချေနှင့် ကမ္ဘာတစ်သိန်း ဖြည့်ကျင့်ရာမှ ပေါ်ထွက်လာသော အရဟံဂုဏ်တော်။

ခ။ ဘုရားစင်စစ် ဧကန်ဖြစ်လာသဖြင့် ပေါ်ထွက်လာသော ၀ိဇ္ဇာ စရဏစသည့် နောက်နောက် ဂုဏ်တော်။

          ထိုထိုဂုဏ်တော်အပေါင်းတို့သည် ဝေနေယျတို့အပေါ် ထားရှိသော မဟာဂရုဏာ၊ မဟာမေတ္တာတော်များဖြင့် ထုံးမွှမ်းထားရာ ချေချွတ်မှု   ပယတ္တဘုန်းတော်၏ ကျေးဇူးတော်နှင့်အတူ တစ်သီတစ်တန်းကြီး ပွင့်ထွန်းဖြစ်ပေါ်၍ လာကြလေကုန်၏။

          ထိုဂုဏ်သတ္တိအားလုံးတို့သည် သူတစ်ကာတို့ ကင်ပွန်းတပ်ပေးရာမှ ရစေခဲ့သည်မဟုတ်။ ယခုအားနှင့်ယခင်အားတို့ ထိစပ်ပေါင်းမိသွားရာမှ အလိုလို ပေါ်ထွက်လာခြင်းမျှသာတည်း.။

(ဂုဏ်တော် ၉ ပါးဖြင့် ဖော်ကျူးခဲ့ပေသည်)

ထိုဂုဏ်တော် ကိုးပါးတို့တွင် အရဟံဂုဏ်တော်သည် အထွတ်အမြတ်ဆုံးဖြစ်၍ ရှေ့မှထား၍ ပူဇော်ကြပါ၏။ ဘာကြောင့်နည်း။

        လေးအသင်္ချေနှင့် ကမ္ဘာတစ်သိန်းတို့ ကာလပတ်လူံး ရိုးရိုးဒါန၊ အင်္ဂါခြေလက်ဒါန၊ အသက်ဒါန တည်းဟူသော ဒါနသုံးမျိုးတို့ဖြင့် လည်းကောင်း ရိုးရိုးသီလ၊ အင်္ဂါခြေလက်တို့ ဖြတ်လိုက ဖြတ်ပါစေ ငါဤသီလကို မစွန်ဟူသော သီလ၊ အသက်လိုလျှင်ခြွေခွင်းလိုက ခြွေခွင်းပါစေ ငါ ဤသီလကို မစွန့်ဟူသော သီလသုံးမျိုးတို့ဖြင့်လည်းကောင်း၊ သည့်အတူ ပါရမီတော် ဆယ်ချက်လုံးတို့၌ တစ်ချက် တစ်ချက်လျှင် သုံးမျိုးသုံးမျိုးတို့ဖြင့် ဖြည့်ကျင့်တော်မူခဲ့သဖြင့် ရလာသော ဂုဏ်သည် ဤအရဟံ ဂုဏ်တော်သာလျှင် ဖြစ်ခြင်းကြောင့်တည်း။

        လောကရှိ သတ္တ၀ါအားလုံးတို့သည် လူဖြစ်က လူ့ကာမတို့ကို ခံစားခွင့်ရရာ ကာမဥစ္စာတို့ ကို အလုအယက်ရှာဖွေလျက်ကသာ ရှိကြလေကုန်၏။ ကာမဥစ္စာများများရလေ ကာမစည်းစိမ်များများ ခံစားရလေ ဖြစ်သဖြင့် ယင်းကာမဥစ္စာကို တစ်ခုရ တစ်စုံရှာ၊ တစ်စုံရက အကုန်ပါအောင် ရှာနည်းမျိုးတို့ဖြင့် အသက်ငင်သည်အထိလျှင် တွင်တွင်ကြိုးစား၍ နေကြလေကုန်၏။

-      လူ့ကျင့်ဝတ် မဖောက်ချိုး။ ရိုးရိုးနည်းဖြင့်လည်း ရှာကြံလျက်ရှိကြကုန်၏။

-      မရသော် အင်္ဂါခြေလက် အပျက်ခံ၍လည်း ရှာကြံလျက် ရှိကြကုန်၏။

-      မရက လူ့အကျင့်ဖျက်၊ အသက်ကိုပင် စွန့်လွတ်လျက်က ရှာကြံ ကြလေကုန်၏။

ထိုကာမဥစ္စာ ရှာမှီးမှုသည်ကား ငါသာလျှင်ကောင်း၊ ငါ့အကြောင်းလှ။ ငါ့ဘ၀အတွက်ကိုသာ ရည်စူးလျက်က ရှာမှီးနေချက်ချည်းမျှသာတည်း။

သည့်အတူပင်လျှင် နတ်ဖြစ်က နတ်ကာမခံစားခွင့်လှရန် နတ်ကာမ ဥစ္စာတို့ကိုလည်းကောင်း၊ ဗြဟ္မာဖြစ်က ဗြဟ္မာ့ဘ၀ကာမဖြစ်သော ဈာန ဥစ္စာတို့ကိုလည်းကောင်း ကိုယ်သာလည်း ကောင်း၊ ကိုယ့်အကြောင်းသာ အရေးပြုရှာဖွေမှု ပြုကြလေကုန်၏။

ထိုသို့ ငါမှ ငါ့အတွက်ဟူ၍ ငါစွဲကာမ ရှာကြံကြရာတိုင်းတို့၌ ရိုးရိုး-အင်္ဂါ-အသက် ထိုသုံးချက် အရင်းအနှီးဖက်လျက်က ရှာကြံမှုမှ ရယူမှုသို့ ပြောင်းလဲဝေးကြလေကုန်၏။ သူ့လက်မှထွက်

ငါ့လက်ဖက်သို့ ဘက်ပြောင်းစေကုန်၏။

ထိုအဆင့်မီ သတ္တ၀ါတို့ချည်းမှ မဟုတ်၊ အဆင့်နိမ့် တိရစ္ဆာန်တို့သော်မှပင် ၄င်းတို့ဘ၀နှင့် အကျွမ်းဝင်ရာ ကာမဥစ္စာတို့ကို ငါ့ဖို့ကိုသာ အလေးတင်၊ ငါမှ ကင်းသော် ကာမအတူခံစားဖော် မယားဘက်ကိုလျှင် နည်းနည်းမျှမငဲ့ကွက်၊ သားသမီး မိဘဘက်ဆိုသည်ကား အသိတရားပင် မကပ်မိသဖြင့် ငါ့ကို ငါကြည့် တိတိပင် ရှာကြံလျက် ရှိကြလေကုန်၏။  ၄င်းတို့၌ စောင့်စည်းခြင်းကျင့်ဝတ်ပင်မရှိကြ။ ၄င်းတို့ ကျင့်ဝတ်များမှာ တရားသည် မတရားသည်ကား ကံကြမ္မာ၏ အလှည့်ကျ၊ ငါဝဖို့သည်သာ အဓိကတည်း။

ထိုသို့ သတ္တ၀ါတိုင်း ရှိသမျှ မျက်လုံးတို့ကို သူ့ဘက်လှည့်၍ ကိုယ့်ဘက်အမိဆွဲယူခြင်း၊ ရှိသမျှနားတို့ကိုလည်း သူ့ဘက်စိုက်လျက်က ကိုယ့်ဘက်သိမ်းပိုက်ခြင်း၊ မိမိတစ်ကိုယ်လုံးကို လျှင် သူ့ဘက်ပေးလျက်က ကိုယ့်ဘက်ထွေးရစ်ယူခြင်း စသည်ဖြင့် ငါမှ ငါသို့ဟူသော ဖို့တစ်ဖို့တည်း ထားရှိနေချိန်တွင် ဘုရားရှင်သည်ကား ငါဟူသော အမှတ်အသား အတွေးကြားမှပင် လမ်းသလားမခံ။

-      အမှားနှင့်အမှန်ကို ဝေဖန်ပိုင်းခြားခြင်း၊ စည်းတားပြီးသော် မှန်ရာအတွင်း ချဉ်းနင်းနေခြင်း

-      မရှိနှင့် အရှိချိန်ထိုးကြည့်ခြင်း၊ အလေးတင်ပြီးသော် အရှိဘက်သို့သာ လျှာထွက်စေခြင်း

-      အကြောင်းနှင့်အကျိုးကို ဆက်စပ်ကြည့်ခြင်း၊ ချည်အပ်သွင်းမိသော် အကြောင်းကိုပယ်၍ အကျိုးကို ပျက်ပြယ်စေခြင်း။

ဤသို့သော ပါရမီဓာတ်အားတို့ဖြင့် မနေမနား စမ်းသပ်ရှာဖွေလျက်က ဝေနေယျဘက် သို့သာ မိမိ၏ အသက်၊ အင်္ဂါ၊ ဥစ္စာသုံးထုပ် အကုန်လုံးမြှပ်နှံထားရှိချေတော့သဖြင့် ငါထက်သာသည် ဗြဟ္မာမင်းကြီးကား မပူဇော်ဘဲ မနေနိုင်ပြီ။ ဗြဟ္မာမင်းကြီးကမှ အရေးတယူ ပူဇော်လျှင် ဗြဟ္မာပေါက်စလေးတို့ကား ဆိုစရာမရှိတော့ပြီ။

ပြုကျင့်ဖို့ နေနေသာသာ သည်အတွေးမျိုး ငါတစ်ခါမျှ မတွေးတောမိ သိကြားမင်းကြီး လည်း မနေနိုင်ပြီ။ သိကြားမှ လှုပ် ကျန်နတ်တစ်အုပ်စုကား ဆိုစရာပင် မရှိတော့ပြီ။

လိုက်နာဖို့ မဆိုထားဘိ၊ ကြားရုံမျှနှင့်ပင် ကြက်သီးထမိတော့၏။ လူမင်းအဖုံဖုံတို့လည်း ချည်းကပ်ပူဇော်ကြရလေပြီ။ ဘုရင်ကမှ အငြိမ်မနေ ပြည်သူတွေကား ဆိုစရာပင် လိုချေ မည်မထင်။

ဝန၀ါသီ ဥေယျဓမ္မသာမိထေရ် (မဟာဗောဓိမြိုင်ဆရာတော်ဘုရားကြီး၏ ရတနတ္တယ ဇောတိနိ ကထာမှ)