ဘူးကုန်းသာဝကများအား ၂၅-၃-၂၀၁၁ ၁၃၇၂ တပေါင်းလပြည့်ကျော် (၇)ရက် နေ့တွင်ဟောကြားသော ချမ်းသာအစစ်ကိုရှာဖွေခြင်းမှ
ဒို့လူ့ဘ၀ရောက်လာတာ ကံကောင်းလို့လား ကံဆိုးလို့လားမသိဘူး။ ဒို့က သက်တန်းတိုမှ လူလာဖြစ်တာ။ ရှေးခေတ်က သောင်းတမ်း ထောင်တမ်းဗျ။ ခုတော့ဆယ်တမ်းဗျ။၆၀-၇၀ လောက်ဖဲနေရတာ။ ငယ်ကာလမှာမိဘကိုမှီခိုရတာ ဒို့ကာလမဟုတ်ဖူး။ အသက်ကြီးလာတော့ သားသမီးအားကိုးရမှာ။ သက်တမ်းကို ၃ ပိုင်းပိုင်းရင် ကြားမှာဘဲကိုယ်အချိန်ရှိတယ်။ သက်တမ်းတိုလေး လူလာဖြစ်တာ ချမ်းသာအောင်နေတတ်ကြရဲ့လား ဘူးသီးတွေ။ အဖိုးရွှင် ၊ ဘူးသီးမီးဝိုင်းတွေလား။ နေတတ်မှ မနေတတ်ရင် ပစ္စည်းရှိလေဆင်းရဲလေ။ ရာထူးကြီးလေဆင်းရဲလေကွဲ့။ (ဦးဖိုးရွှင်မှာ ဘူးကုန်းရွာမှ ဆရာတော်ဘုရားကြီးအား ကြည်ညိုသော ဒကာကြီးဖြစ်လေသည်။)ဓါတ်ခန္တာမှာဖြစ်ခဲ့တာက သူကဥာဉ်လေ။ သူကဆွဲမှာ။ ဘ၀အဆက်ဆက်က တိရစ္တာန်ဘဲအဖြစ်များတယ်လို့ စာကပြောတယ်နော်။ ဒီတော့ လူက ကြိုက်စိတ် မသိစိတ် ဓါတ်ဥာဉ် ဓါတ်စိတ်တွေနဲ့နေရမှာဆိုတော့ ချမ်းသာမှာလား။ နာမည်ကတော့ဦးအေးတဲ့။ နာမည်ကသာ ဦးအေး ပူနေတာဗျာ။ (ဘူးသီးတွေဆိုသည်မှာ ဘူးကုန်းသာဝကများကို ခေါ်ခြင်းဖြစ်ပါသည်)
ရန်ကုန်က ဘုန်းကြီးတပါးကလျှောက်လာတယ်။ သူ့နေတဲ့ကျောင်းနာမည်က စိတ္တသုခကျောင်းပါဘုရား။ စိတ်ဆင်းရဲလိုက်တာဘုရားလို့လျောက်သွားတယ်။ ဦးအေးလည်း ဒီအတိုင်းနေမှာပါ။အိပ်ချိန်လေးသာနားရမှာ။ အမြဲတမ်းတွေးနေတာ သူခိုင်းတဲ့အတိုင်းလိုက်လုပ်နေတာ မနားရတော့ဘူး။ ကိလေသာက သူကြိုက်ရင် ခိုင်းတော့တာ ကိလေသာ ခိုင်းတိုင်းကြိုက်နေတာ တရား၏ မတရား၏။ အပစ်ကင်း၏ မကင်း၏။ လုပ်သင့်မလုပ်သင့် လူဥာဏ်သုံးရမယ်ဗျာ။ သူခိုင်းတဲ့အတိုင်း လုပ်ရမှာမဟုတ်ဖူး။ လူ့ဘ၀နဲ့သာသနာ ကြဲုံတုံး ဥာဏ်သုံးပြီးအသက်ရှင်ပါ ဥာဉ်သုံးပြီးအသက်မရှင်ကြပါနဲ့။
သရက်သီးလိုပေါ့။ စကစ ချဉ်တယ်။ တဖြေးဖြေးမဲ့ခါနီး ချိုလာတယ်။ မဲ့တော ပိုချို။ ပုတ်ခါနီး ရက်ရက်စက်စက်ချိုလေဟုတ်လား။သံပုရာသီးကတော့ ကြီးလေ ချဉ်လေ။ ပုတ်ခါနီးလေ ဆူးတောင်ပေါသေးတယ်ဗျ။ ဓါတ်ဥာဉ်အတိုင်းက သံပုရာသီးဖြစ်မှာ။ ဓါတ်ဥာဉ်ကိုပြောင်းရင်တော့ သရက်သီးမျိုးဖြစ်နိုင်တယ်။ သရက်သီးဖြစ်ခြင်ရင် ပြုပြင်မှ ရမှာ။ ဒို့က သတိကိုင်မှရတော့မှာ။ စိတ် ကိလေသာသည် သတိကိုသိပ်ကြောက်တယ်။ သတိရှိနေရင် ၀င်ဘို့နေနေသာသာ တွေးကို မတွေးတော့တာ။ သတိရှိရင် အကျိုးရှိမရှိသိတယ်။ လုပ်ရင်းကိုင်ရင်း မှတ်တပ်နဲ့ ငါလုပ်လိုက်တာ အပစ်ဖြစ်သွားပြီဟေ့ အပစ်ကင်းပြီဟေ့။ သတိက လုပ်ရင်းနဲ့မှတ်ချက်ပေးနေတယ်နော်။
ဘယ်အရာမျိုးမဆိုကျင့်ယူရတာဘဲ။ ဘ၀အဆက်ဆက်က လွတ်ပစ်ထားတဲ့ ဥာဉ်ကို ချက်ခြင်းကြီးကောက်ကိုင် လို့မရဘူးဗျ။ အရင်ဘ၀ထား ငယ်စဉ်ဘ၀က ကို အဖေပြော အမေပြောတဲ့အတိုင်းလိုက်လုပ်တာ။ အဲဒီလွန်တော့ရော သတိကိုင်ခဲ့လို့လား။ ဘုရားဝတ်တက်တော့ရော သြကာသာ ဆုံးအထိတောင် သတိမရှိပါဘူးဗျာ။ ဒီတော့ ပြင်ပေးပါ။ သံပုရာသီးဖြစ်ခြင်လား သရက်သီးဖြစ်ခြင်သလားကိုယ့်ကိုကိုယ်မေး။
စိတ်က သတိပါတာမကြိုက်ဖူး။ သူတွေးခြင်ရာတွေး။ သူလုပ်ခြင်ရာလုပ်မှာလေ။ ဘယ်သူမှ စိတ်ကို မအုပ်ချုပ်နိုင်ဘူး။ စိတ်နဲ့ပစ်မှားတာ ဘယ်သူအရေးယူလို့ရလို့တုံး။ စိတ်က သတိအတင်မခံဘူး။ သူလုပ်ခြင်ရာလုပ်။ ဥာဉ်စိတ်က သတိကို သိပ်ကြောက်ပါတယ်။
------------------------------
0 ဖတ်သူများပြောစကား:
Post a Comment
သိတာလေးတွေ ရှယ်ပေးပါဦး