မဟာမြိုင်အမှတ်တရနှင့် ကျမအလစ်သုတ်သမား

မဟာမြိုင်အမှတ်တရနှင့် ကျမအလစ်သုတ်သမား လောကမှာ အမှတ်တရတွေက များလှပါတယ်။ ကောင်းတာဘဲဖြစ်ဖြစ်ဆိုးတာဘဲဖြစ်ဖြစ် အမှတ်တရတွေက ပေါင်းစုံနေတာပါဘဲ။ ကောင်းတဲ့အမှတ်တရတွေဟာ ပြောစမှတ်ကလေးဖြစ်ပြီး တဖန်ဖန်စမြုံပြန်လို့ ကောင်းတယ်ပေါ့။ ဆိုးတဲ့အမှတ်တရတွေကတော့ နာကျည်းစရာတွေလိုလို အခဲမကျေစရာ လိုလို လက်တုန့်ပြန်ခြင်တာတို့ တနေ့အကွက်ရရင် ပြန်ဆော်မယ်ဆိုတာတို့ အမျိုးမျိုးအဖုံဖုံပါဘဲ။ ဒါတွေအားလုံးကိုပယ်သတ်နိုင်တာဟာလည်း တရားဘဲရှိပါတယ်။ အဲဒီအမှတ်တရလေးထဲမှာတော့ ကိုယ့်ကိုကိုယ် အထင်ကြီးတဲ့ ကျမရဲ့ မှတ်မှတ်ရရလေးတစ်ခုကိုရင်ဖွင့်လိုက်ခြင်ပါတယ်။ ဖေဖော်ဝါရီလ(၂၈)ရက်နေ့မှာ ပျဉ်းမနားလက်လုပ်တောင်ဘုရားဝန်းထဲကနေ ပျဉ်းမနားမှ မဟာဗောဓိမြိုင်ဆရာတော်ကြီးကို ဖူးကြမဲ့ ကျမတို့အဖွဲ့ဟာ ညနေ (၇း၃၀)မှာ စတင်ထွက်ခွာလာခဲ့ ပါတော့တယ်။ (၂၉-၂-၂၀၁၂) နေ့ မနက် (၅း၃၀)မှာ မုံရွာမြို့ကိုရောက်ပြီး မုံရွာက ရွှေဂူနီ၊ ဗောဓိတစ်ထောင်၊ သဗ္ဗုဒ္ဓေနဲ့ ၃၁ ဘုံဘုရားကြီးတို့ကိုရောက်ရှိပြီးဘုရားဖူးခဲ့ကြပါတယ်။ ညနေ (၅း၃၀)မှာတော့ မဟာမြိုင်တောကြီးထဲကို ဦးတည်ပြီး မုံရွာမှထွက်ခွာခဲ့ကြပါတော့တယ်။ တန့်ဆည်ကို ည (၁၁) နာရီကျော်မှရောက်တော့ စားသောက်ဆိုင်တွေကလည်းပိတ်ကုန်ပြီ မိုးလေးကလည်း ဖွဲဖွဲဆိုတော့ ကြုံတဲ့လမ်း ဘေးက ဆိုင်မှာဘဲ ကြုံသလိုစားလိုက်ရပါတော့တယ်။ ကား ၂ စီးဆိုတော့ လူတွေကလည်းအများကြီးပေါ့။ အဲဒီလိုနဲ့ဘဲ ကျမတို့ဟာ မှောင်ကြီးမဲမဲထဲမှာ မဟာမြိုင်တောကြီးထဲကို ဖြတ်ခဲ့ပါတော့တယ်။ ဘာကိုမှ သဲသဲကွဲကွဲမမြင်ရတော့ပါဘူး။ ကျမကတော့ပန်ထွာဘုရင်မကြီးလို့ ခေါ်တဲ့ ဗြိဿနိုးမယ်တော်ကြီးနန်းေ၇ာက်ရင်ကားခဏရပ်ပေးဘို့ အိပ်နေရင်လည်းနိုးဘို့ ကားဆရာကိုမှာထားခဲ့ပါတယ်။ဘာကြောင့်လည်း ဆိုတော့ ဆရာတော်ကြီးထံသွားဖူးမျော်ဘူးတဲ့ သူတွေက မယ်တော်ကြီးနန်းရောက်ရင် ပုဝါဆက်ဖို့ အမွေးတိုင် ဖယောင်းတိုင်တွေပူဇော်ဘို့ မှာကြားလိုက်ကြတဲ့အတွက် ဖြစ်ပါတယ်။ မယ်တော်ကြီးရဲ့ နန်းရင်းလို့ပြောကြတယ်။ သူ့နယ်မြေထဲဝင်ရင် သူ့ကိုအသိအမှတ်ပြုရတာပေါ့ရှင်။ တခါတလေမှာ သူ့ကိုအသိအမှတ်မပြုရင် မယ်တော်ကြီးဟာ ဆရာတော်ကြီးကို လာလျောက်တယ်လို့လဲ ကပ`္ပိယ ဦးကျော်လွင်က ပြောပြပါတယ်။ မဟာမြိုင်တောကြီးဟာ အင်မတန်မှတောကြမ်းတယ်ဆိုတာ တောင်တန်းသာသနာပြုဆရာတော်ကြီး ဦးဥတ္တမသာရက ရေးခဲ့ဘူးပါတယ်။ ပန်ထွာမယ်တော်ကြီးအကြောင်းဆိုလည်း ခေတ်လူငယ်တွေကလွဲရင် တော်တော်များများဟာ မယ်တော်ကြီးရဲ့ကြေကွဲဘွယ်ဇတ်လမ်းကို သိပြီးသားဖြစ်ပါလိမ့်မယ်။ မဟာဗောဓိမြိုင် ဆရာတော်ကြီးကိုယ်တော်တိုင်က မဟာမြိုင်တောကြီးထဲ တောရဆောက်တည်ဘို့ မုံရွာအထွက်မှာတင် ဆရာတော်ကြီးစီးတဲ့ကားကို ဒုက္ခပေးခဲ့တာကို ဟောပြောခဲ့ဘူးပါတယ်။ ကျမတို့ကားပေါ်ကအဖွဲ့တွေဟာ နန်းလည်း ရောက်ရော ဆင်းတဲ့သူဆင်းပြီး အမွေးတိုင် ဖယောင်းတိုင်တွေနဲ့ ပသကြပါတယ်။ ကျမကတော့ မယ်တော်ကြီးတို့အဖွဲ့ လိုရာသုံးပါ မြတ်စွာဘုရားကို ပူဇော်လို့ဘဲဖြစ်ဖြစ် ဆရာတော်ကြီးကိုပူဇော်ဘို့ဘဲဖြစ်ဖြစ် ဆိုပြီး အမွေးတိုင်အတိုင် (၃၀) လောက် ထိုးစိုက်ပေးခဲ့ပါတယ်။ ဖယောင်းတိုင်တွေလည်း ထွန်းထားပေးခဲ့ပါတယ်။ အဲဒီနန်းရောက်တော့ မနက်(၃)နာရီပါ။ ဆရာတော်ကြီးဟာမနက် (၉)နာရီမှာဆွမ်းခံကြွပြီး တညအိပ်သာလက်ခံတဲ့အတွက် ကျမတို့ဟာ အဲဒီမနက်စောစော ရောက်ရင် ဆွမ်း(၂)ကြိမ်လောင်းခွင့်ရမှာဖြစ်ပါတယ်။ ဒါကြောင့် ကားကိုစောသထက်စောလျင်စွာ ကျောင်းရောက်ခြင်စိတ်ဖဲ ပြင်းပြနေပါတော့တယ်။ အဲ - အေ၇းကောင်းတော့ ပြသနာကပေါ်ပါချေပြီ။ ဒါကတော့ ကျမတို့ရဲ့ကားရှေ့မှာ ထော်လာဂျီတစီးက ကန့်လန့်ဖြတ နီးပါးပိတ်နေပါတော့တယ်။ လမ်းကကျဉ်း မြေလမ်းတွေကဖြစ် တဖက်ကလည်း ၀ါးရုံတောလျိုဆို တော့ ဘယ်ဘက်မှ မလွတ်တဲ့ကြပ်ပူးကြပ်ပိတ်ကြားထဲမှာ ရောက်သွားပါတော့တယ်။ တရားခွေတွေထဲမှာလည်း မဟာမြိုင်လာတဲ့သူတွေ ကားပျက်တာ ကားနှစ်နေတာ ဗွက်အိုင်တွေထဲက ကြိုးနဲ့ဆွဲကြတာ အမျိုးမျိုးတွေ့နေလေရတော့ ဒို့အဖွဲ့လည်းထိပြီဟ လို့စိတ်ထဲမှာဖြစ်မိပါတယ်။ ကျမက ကားဆရာလေးကို ဆင်းကြည့်ဘို့နဲ့လိုအပ်တာရှိရင်လည်း ကူညီပေးဘို့ပြောလိုက်ပါတယ်။ မကြာခင် ကားဆရာလေးပြန်တက်လာပြီး ပါလာတဲ့ဘီးပိုကလည်းပေါက်နေသတဲ့။ စိတ်လျော့လိုက်ပါ အမကြီးရာတဲ့။ ကျမလည်း ဘာမှမတတ်နိုင်ချေပါတကားလို့ ဖြစ်ပေမဲ့ တဖက်ကလည်း မယ်တော်ကြီးကိုမေတ္တာနာနာပို့ ဆရာတော်ဘုရားကြီးကိုလည်း ဆွမ်းလောင်းခြင်လွန်းလို့ပါဘုရားလို့ မကြာခဏစိတ်ထဲကလျှောက်မိတယ်ရှင်။ ဘာကြောင့်ဆိုတော့ ဆရာတော်ကြီးဟာ မနောပိုင်တယ်ဆိုတဲ့ (သူတပါး၏ စိတ်အကြံကိုသိနိုင်တာ)ကို အတွေ့အကြုံ တွေအရသိပြီးသားဖြစ်လို့ဖြစ်ပါတယ်။ ကျမဟာ မေတ္တာတွေပို့လိုက် ဆက်တိုက် ဆုတောင်းခြင်းနဲ့ စိတ်ပို့လွတ်ခြင်းကို လုပ်ပါတော့တယ်။ မလာခင် တပတ်လောက်ထဲကလည်း ကြိုတင်ပြီးအိမ်ကနေ စရဏလုပ်ခြင်း မေတ္တာပိုခြင်းများကြိုတင် လုပ်ထားပါတယ်။ သိပ်မကြာပါဘူး ကန့်လန့်ဖြစ်နေတဲ့ဘက်က ကားမီးရောင်ထိုးလာပါတော့တယ်။ အော်နောက်ကားတစီးေ၇ာက်လာတာဘဲလို့သိလိုက်ပါတယ်။ ဘယ်လိုကဘယ်လိုဖြစ်တယ်မသိ တော်တော်ကြာတော့ ကျမတို့ ကားဆရာလေးက အဆင်ပြေသွားပြီလို့ ကျမကိုပြောပါတယ်။ ကျမလည်းအံ့သြသွားပါတယ်။ တကယ်တော့ နောက်ထပ်လာတဲ့ကားနဲ့ ပျက်နေတဲ့ကားက အမျိုးအစားတူဖြစ်ပြီး နောက်ထပ်လာတဲ့ကားကကန့်လန့်ဖြစ်နေတဲ့ကား ရွေ့လို့ရအောင်လို့ သူ့ကားက ဘီးတွေဖြုတ်ပေးပြီး ကန့်လန့်ကားကိုတပ်ပေးလိုက်တော့ ရွေ့လို့ရသွားတာပေါ့။ မောင်မင်းကြီးသား တို့ကျန်းမာ ချမ်းသာပါစေလို့ ရမ်းသမ်းမေတ္တာပို့သလိုက်ရပါတယ်။ မှောင်ကြီးမဲမဲ တောကြီကနက်နက်ဆိုတော့ သူတို့ကိုလည်း ကိုယ်က မမြင်ရ။ တကားလုံးကတော့ အိပ်မောကျနေကြလေရဲ့ ကျမနဲ့ကားဆရာလေးသာ မအိပ်ဖဲရှိနေကြတယ်လေ။ သူတို့ ကူညီဆောင်မမှုကြောင့် (၃-၃-၂၀၁၂)နေ့ မနက်(၆)နာရီတိတိမှာ မဟာဗောဓိမြိုင်ဆရာတော်ကြီး သတင်းသုံးရာ ခေါင်နန်းပလ္လင် ဓမ္မေသစခန်းသို့ေ၇ာက်ရှိ ခဲ့ကြပါတော့တယ်။ မနက်(၃)နာရီကျော်ကျော်မှာ တိုက်ဆိုင်မှုလေးကတော့ အံ့သြစရာပေါ့လေ။ ပစ္စည်းချ ခဏအိပ်ပြီး ချက်ဖို့ပြုတ်ဖို့ ပြင်ဆင်ပါတော့တယ်။ ကျမက ကျမဆရာရဲ့ဇနီး မမဆွေနဲ့ မကြာခဏ ခရီးထွက်နေကြဆိုတော့ သူဘာလုပ်တယ်။ ဘယ်လိုပြင်ဆင်တယ်ကို အတုမြင်အတတ်သင် အတုခိုးလာတယ်။ Ready အသားဗူးတွေထဲက ဘဲသား၊ ဆိတ်သား၊ ငါးဖယ်ဆုပ်ဗူးတွေကို ၀ယ်လာပါတော့တယ်။ အများချက်တဲ့ဟင်းကိုမှ မကပ်လိုဘဲ ချက်ကပ်ခြင်တာကိုး။ နောက် Shitaki မှို ၊ ကြွက်နားရွက်မှို၊ ချစ်(စ်) ၊ သစ်ကြားသီးတွေပါထည့်လာတယ်လေ။ှဆီကအစ ဗူးသေးသေးလေး နဲ့ပေါ့။ ဒါတောင် လက်လုပ်တောင်မှာ မနက်အာရုံအတွက်ခွဲထားခဲ့သေးတယ်။ ကျမသယ်လာတဲ့ လှူဘွယ်က ဆရာတော်ကြီးရဲ့ဆိုင်းဘုတ်က စည်းကမ်းအတိုင်း အမွှေးတိုင်နဲ့ဖယောင်းတိုင်ထုပ်တွေပါဘဲ။ ဆရာတော်ကြီးဆီသွားမှာမို့ နိုင်ငံခြားမှာစာသင်နေတဲ့ သံဃာတော်တွေက မှာကြားတဲ့အတွက် အဲဒီသံဃာတော်တွေကိုယ်စား လှူပေးဘို့ အမွေးတိုင်ထုပ်တွေရော မနိုင်မနင်းပါ။ ပါးလိုက်တဲ့ ဖယောင်းတိုင်ထုပ်တွေ ကျမရုံးက ခလေးတွေ ကုသိုလ် ရစေခြင်လို့ နင်တို့တွေ ကုသိုလ်ပါဆိုလို့ ခလေးတွေရဲ့ အထုပ်တွေ တအင့်တမကြီးနဲ့ကျမပါ။ ဆရာတော်ကြီးဆွမ်းခံကြွလာရင်ခင်းဘို့ စိန်ကတ္တီပါစ ၂ စ၊ ပုဝါအဖြူတထည်နဲ့ မော်လမြိုင်ကလက်ဆောင်ထည့်ပေးလိုက်တဲ့ ပုဝါအစိမ်းလေး(သိပ်ပြီးစိတ်မ၀င်စားလို့ ကျမလက်ထဲရထားတာကြာနေပြီဖြစ်ပေမဲ့ မထုတ်ကြည့်မိဘူး၊ အဲဒီမှာ ခင်းမှ ကြည့် မိလိုက်တယ်။ တော်တော်လှတာဘဲလို့ သဘောလည်း အတော်ကျသွား မိတယ်)။ ကျမက လှူမဲ့အထုတ်တွေကို ဆွမ်းခံကျောင်းထဲမှာရှိတဲ့ ပလ္လင်ရဲ့ ခုံပေါ်မှာတင်ထားလိုက်တာပေါ့။ အဲဒီမှာဆရာတော်ကြီးအလှူခံ မယ်ထင်တာကိုး။ ဆွမ်းခံကြွလာတော့ ဆွမ်းလည်းလောင်းပြီးရော အဲဒီမှာအလှူမခံဘူး ဆွမ်းခံအပြန်လမ်းမှာလှူရမှာဆိုတော့ ကျမမှာ အပြန်လမ်းဘက်ကို ပြေးရပါတော့တယ်။ ဆွမ်းလင်ဘန်းကြီးကိုလည်း ကြုံတဲ့နေရာပစ်ထားခဲ့တယ်။ အဲဒီလင်ဘန်းထဲ ဓမ္မဒါန ရထားတဲ့ ဆရာတော်ကြီးတရားခွေ ၂ခွေလည်းပါရဲ့။ ဆရာတော်ကြီးသွားဘို့ခင်းထားတဲ့ အခင်းတွေကိုဖြတ်ကျော်ပြီး အပြေး တရားပလ္လင်ရှေ့ခုံပေါ်က အထုပ်ကြီး ၂ ထုပ်ကိုသယ် ဘန်းကြီးနဲ့ထည့် ယောက်ယက်ခပ်သွားပါတော့တယ်။ သူများတွေတန်းစီနေတဲ့ အဆုံးကိုပြေးရတယ်လေ။ အထုပ်တွေက များတော့ ပြုတ်ကျမလိုဖြစ်ပါလေရော. ဒီတော့ ခေါင်းနည်းနည်းသုံးလိုက်ပြီး ဟိုဘက်ဒီဘက် မျက်စေ့ကစားလိုက်ပါတယ်။ ဘယ်သူ့ကိုအကူအညီတောင်းရင်ရမလဲပေါ့။ သဘောကောင်းပုံရတဲ့ အမျိုးသမီးတယောက် သူ့ဘန်းထဲမှာလှူဘွယ်ကလည်း သင့်ယုံ။ သူ့ကိုအကူအညီတောင်းလိုက်ရတယ်။ သူမက လိုလိုလားလားနဲ့တချုို့ခွဲယူပြီးလှူပေးတာမို့ အဆင်ချောသွား ခဲ့ပါတော့တယ်။ ဟော ဆရာတော်ကြီးက နီးသထက်နီးလာပါပြီ။ ဆရာတော်ကြီးပြောပြောနေတာသတိရမိတယ်။ သတိလေးနဲ့လှူ။ စိတ်တွေ ဟိုရောက်ဒီရောက်မရောက်စေနဲ့။ ရှုမှတ်မှုလေးနဲ့လှူ အမှတ်သတိလေးနဲ့လှူဆိုတာလေးကိုပါ။ စိတ်ကိုအသင့်ပြင်လိုက်တယ်။ ငြိမ်သက်သောစိတ်နဲ့ သတိလေးကပ်ပြီးလှူလိုက်ပါတော့တယ်။ အောင်မြင်သွားပါပြီ။ ဒါပေမဲ့ ………. ကျမပြန်ရောက်လာတော့ ဆွမ်းဘန်းကိုနေရာရွေ့ထားပေးတယ်။ ဘန်းထဲက အခွေ(၁)ခွေကတော့မရှိတော့ ပါဘူး။ စိတ်လေးအနှောက်အယှက်ဖြစ်သွားတာပေါ့နော်။ ဟော နောက်ပုဝါလှလှအစိမ်းလေး။ မရှိတော့ပါဘူး။ ကော်ဇောတွေ သိမ်းတော့ ကပ္ပိယတွေက အခင်းတွေအားလုံးကို ဘေးကိုသေချာပုံထားပေးခဲ့ပါတယ်။ အဲဒီအပုံထဲမှာလည်းလုံးလုံးမရှိတော့ ပါဘူး။ စိတ်ဆိုသောစိတ်က ကျမကိုကောင်းကောင်းပညာပြချေပါပြီ။ စောစောက လှူခါနီးထားတဲ့သတိဟာ ကျမမှာမရှိတော့ပါဘူး။ စိတ်ထဲမှာ ဆရာတော်ကြီးကျောင်းမှာတောင်လာပျောက်ရသလားဆိုတဲ့စိတ်ဖဲဖြစ်နေပါတယ်။ လိုက်လည်းရှာတယ်။ သို့သော် မတွေ့ပါဘူး။ ကောင်မလေးတချို့က သူတို့ဆီပါလာတဲ့မျက်နှာသုတ်ပုဝါအစိမ်းလေးလာပေးကြတယ်။ မဟုတ်ဖူးလေ။ ကျမက တဖျစ်တောက်တောက်ဖြစ်မိပါလေရော။ ကိုယ့်ပစ္စည်းမဟုတ်ဖဲနဲ့များ။ ကိုယ့်ပစ္စည်းမဟုတ်မှန်းတော့သိသင့်တယ်ပေါ့။ တကဲ့ဆရာတော်ကြီးဆီလာပြီး သူများပစ္စည်းကိုယူတယ်ပေါ့လေ။ ညနေပိုင်းရောက်လာတော့ ခေါင်းထဲကြာကြာမသိုထားတတ်တဲ့ကျမဟာ ခေါင်နန်းပလ္လင်ကျောင်းဆောင်ပေါ်မှာ တရားထိုင်ပါတော့တယ်။ မအိပ်ခင်လေးမှာတင် ကျမခေါင်းထဲအသိဥာဏ်လင်းကနဲပေါ်လာတယ်။ အ၇င်ဘယ်ဘ၀တွေကများ ဘုရားကျောင်းကန်တွေသွားရင် သူများပစ္စည်းကို လိုခြင်စိတ်နဲ့လစ်ခဲ့ဘူးပါလိမ့်နော်လို့။ ဒါကြောင့်လည်း အခုလို ဘုရားကျောင်းကန်မှာ ဒီလိုဖြစ်တာလို့။ တကယ်တန်းတွေးလိုက်ရင် ဆရာတော်ကြီးခြေချထားတဲ့ ပုဝါမို့ လိုခြင်တာဖြစ် ပါလိမ့်မယ်။ ပေးတဲ့သူကလည်း အမျိုးအစားကောင်းကောင်းလေးပေးလိုက်တာဆိုတော့လှတပတလေးပေကိုး။ ကျမက ကျမရဲ့ အလစ်သုတ်သမား(ဒါအလစ်သုတ်သမားဘဲမဟုတ်လား လစ်လို့သုတ်တာလေ မလစ်ရင်သုတ်မရဘုး) အတိတ်ဘ၀ကို တေွး မိပြီး အရင်ဘ၀က သူများပစ္စည်းအလစ်သုတ်လာတော့ ကိုယ့်ပစ္စည်းနဲ့ ဒီဘ၀ဆပ်လိုက်ရတာ အကြွေးတစ်ခုတော့ ကျေပြီလို့ စိတ်ထဲမှာ မကျေနပ်မှုတွေ အစားကျေနပ်ပီတိဖြစ်ပြီး ပြုံးစိစိ ဖြစ်မိပါတော့တယ်ရှင်။ တကယ်တော့ အလစ်သုတ်သမားက ကျမဘ၀ရဲ့ ပုံရိပ်တစ်ခုဖြစ်ခဲ့တာပါဘဲ။ ပုဝါအဖြူလေးကတော့ ဆရာတော်ကြီး ပျဉ်းမနားလက်လုပ်တောင်မှာသီတင်းသုံးစဉ်က လူတော်တော်များများက ဆရာတော်ကြီးကိုခင်းထားတဲ့ ပုဝါတွေ အခင်းတွေအောက်မှာ မုန့်လေပွေထည့်တာ မကျေဘူး။ ဆရာတော်ကြီးက ဈာန်နဲ့သွားတာနဲ့ ဟိုးလေးတကျော်ဖြစ်ခဲ့ပါတယ်။ ဆွမ်းလာလောင်းတဲ့သူတွေလည်း တနေ့ထက်တနေ့ စည်ကားလာပါတယ်။ အနီးနားရွာတွေကအစ ကားတွေနဲ့လာလောင်း ကြတာပေါ့။ အဲဒီတုံးက ကျမတို့လည်း ဆရာတို့မိသားစုနဲ့ အတူဆွမ်းလောင်း ဘို့သွားခဲ့ကြပါတယ်။ စပ်စုတတ်တဲ့ ကျမဟာ ပုဝါအဖြူလေးကိုခင်းလိုက်ပါတယ်။ ဆရာတော်ကြီးခပ်ဝေးဝေးက ဆွမ်းခံကြွလာတာကို မြင်ရတည်းက တပည့်တော်၏ ပုဝါပေါ်တွင် ဘယ်ဘက်ခြေရာတဖက်တည်းသာ ချန်ထားပေးခဲ့ပါဘုရားလို့ စိတ်နဲ့ အတွင်တွင် လျောက်တော့တယ်။ ကြွလာပါပြီ။ ဘယ်နေရာမှာမှ မြေကြီးမရှိပါဘူး။ လာရာလမ်းတစ်လျောက် အခင်းတွေအပြည့်ပါ။ ဒါကြောင့်လည်း ဘယ်လိုမှ ခြေဖ၀ါးမှာ မြေမှုန်ကပ်ပါလာစရာအကြောင်းမရှိခဲ့ပါဘူး။ ကျမရှေ့အရောက် ဆွမ်းလောင်း လိုက်တယ် ။ ဦးချတယ်။ ဘုန်းဘုန်းမေတ္တာပို့ပေးတာခံယူတယ်။ ဘုန်းဘုန်းဆက်ကြွသွားပါပြီ။ မမျှော်လင့်ထားခဲ့သောဖြစ်ရပ်က ကျမဆုတောင်းအတိုင်းပါဘဲ။ ဖြူစွပ်နေသော ပုဝါပေါ်တွင် မြေမှုန်တို့ဖြင့် ဘယ်ဘက်ခြေရာ တဖက်တည်းသာ ထင်ထင်ရှားရှား အထင်းသားပါလား။ ပျော်လိုက်သည်ဖြစ်ခြင်း။ နှစ်တော်တော်ကြာပေမဲ့ အဲဒီပုဝါကို အမြတ်တနိုးသိမ်းဆည်းထားခဲ့ပါတယ်။ အဲဒီပုဝါလေးကိုဘဲ အခုမဟာမြိုင်အထိ သယ်လာတာပါ။ ပုဝါအဖြူလေးကတော့ ကျမလက်ဝယ်ကျန်ရှိလျက်ပါဘဲ။ ဆက်ရန်- သဗေ`္ဗသတ္တာကမ္မသကာ။